A Basilea ha l'Uffizi chantunal da lavur controllà l'associaziun dispitaivla Scientology. Sco l'uffizi communitgescha, sajan 40 persunas da l'ester vegnidas controlladas en connex cun lavur naira. Ins n'haja dentant betg constatà surpassaments pli gronds dal dretg da persunas estras.
Dentant n'haja Scientology betg annunzià plirs lavurers da maniera correcta. Probabel per uschia spargnar las contribuziuns a l'assicuranza sociala. Da quantas persunas ch’i sa tracta, e sche quai è succedì cun intenziun, n'è betg anc cler il mument.
RR novitads 12:00
sda/gc