Siglir tar il cuntegn

Header

cuntegn

Svizra Lavurers cuntents cun cundiziuns da lavur

Tenor il barometer buna-lavur da Travail.Suisse è la motivaziun dals lavurers dapi almain quatter onns stabila sin aut nivel. In trend negativ sa mussa en la cumpatibilitad tranter la professiun e la vita privata ed era tar il stress.

Il dumber da las persunas che hajan in problem cun la cumpatibilitad tranter la lavur e la vita privata è s'augmenta da 3% sin 21,6%, declera Travail.Suisse. Quai saja dentant reclamà sin aut nivel, conceda l'associaziun.

Radund 40% èn stressads

Sco pli grond pais vegn resentì il stress. 40% dals dumandads sa sentan tenor il studi savens stressads. Per exempel è il squitsch da termins fitg grond. Er sco negativ vegn recepì il temp a disposiziun. Uschia sajan per exempel ils facturs da sururas, cuntanschibladad, dis da lavur lungs u pausas scursanidas s'augmentads dapi il 2015. Intgins lavuran er pli savens sch'i èn malsauns cumpareglià cun avan tquatter onns.

Er valità mender vegn la paja. Dapi il 2015 è il dumber da lavurers che n'è insumma betg cuntent cun la paja creschì da 9,4% sin 11,6%. Quai na smirveglia betg sch'ins contempleschia il svilup da las pajas dals ultims onns, ha ditg il president da Travail.Suisse Adrian Wüthrich.

Dapli investiziuns en collavuraturs necessaria

Bun la mesadad dals lavurers na crai betg ch'i pudessan chattar ina plazza cumparegliabla cun la medema paja, sch'i perdissan lur lavur. Tuttina blers èn da l'avis ch'i na vegnian betg promovids avunda bain da lur patrun. Travail.Suisse pretenda perquai ch'i vegnia investì dapli en ils collavuraturs en furma da scolaziuns.

RR novitads 12:00

Artitgels legids il pli savens