Siglir tar il cuntegn

Header

cuntegn

Lavurs da mantegniment Panna cun certificats da corona

Durant radund in'ura n'ha il certificat betg funcziunà venderdi saira. La signatura na saja betg valaivla, è stà da leger sin l'app dal BAG. Raschun èn stadas lavurs da mantegniment, sco l'Uffizi federal d'informatica e telecommunicaziun ha infurmà.

Tuttas clavs or da la glista, na sajan per in mument betg stadas cuntanschiblas. Perquai haja l'app dal certificat svizzer betg pudì valitar quels. Quai ha l'uffizi communitgà anc la saira cura che l'app ha puspè funcziunà. Ins haja dentant puspè pudì recrear las clavs ed ils certificats tschentads or en Svizra funcziunian puspè.

Cuzzà ha questa panna da las 19:30 enfin las 20:30. Pertutgads eran certificats svizzers e zertificats da l'Uniun europeica tschentads or en Svizra. Burgais svizzers en l'exteriur na sajan betg stads pertutgads.

Certificats dad auters pajais na funcziunian il mument anc betg en Svizra, l'Uffizi per informatica saja anc vid lavurar vi da lezzas clavs. L'Uffizi per informatica è quel che ha sviluppà il certificat svizzer per il BAG.

Ord l'archiv:

video
Grischun schlargia diever dal certificat
Or da Telesguard dals 09.09.2021.
laschar ir. Durada: 3 minutas 8 Secundas.

RTR novitads 06:00

Artitgels legids il pli savens