Von Grünigen è stà engaschà quasi la mesadad da sia vita tar Radio DRS, sco il radio da la SSR aveva num da lez temp. Tranter auter è el stà manader dal divertiment e da la moderaziun. Il 1984 ha von Grünigen surpiglià la direcziun dal program da DRS 1.
Suenter sia pensiun ha el presidià tranter auter il cussegl da fundaziun da Terre des hommes – agid d'uffants. Plinavant è von Grünigen s'engaschà fitg per la politica da sanadad e svilup. Per sia lavur sco president da la Fundaziun adipositas Svizra ha l'Universitad da Turitg surdà il 2011 ad el il titel da docter honoris en la medischina.