Tar la revisiun annuala da l'ovra atomara Leibstadt il settember na correspundeva la qualitad dals elements combustibels betg a las prescripziuns.Totalmain ha l'ovra atomara stuì remplazzar 22 elements pervia da qualitad manglusa.
Uss ha l’inspecturat federal da la segirezza nucleara (Ensi) communitgà ch'ils experts n'hajan chattà naginas mancanzas pli. L'ovra atomara dastga damai puspè reprender il manaschi – sut cundiziuns. Tenor l'Ensi saja necessari da restrenscher vinavant la prestaziun dals elements combustibels.
Sclauder «Dryouts»
Cumplettamain vid la rait dastga l'ovra atomara pir, sch'ins po excluder «Dryouts». Enturn ils elements combustibels hai ina surfatscha.Tar in Dryout vegn betg pli furnì med sfradentant a questa surfatscha. Consequentamain s'augmenta la temperatura da la surfatscha considerablamain ed uschia oxidescha il material pli spert. Sche la surfatscha oxidescha, na po ella betg pli garantir, ch'il material d'arder nuclear na sortia betg en il med sfradentant. E quai periclitass la segirtad.
RR novitads 12:00