Er a Monthey è la situaziun precara suenter ch'il flum Vièze e creschì. Ils avdants eran gia vegnids avertids la damaun da sa semtgar per ina eventuala evacuaziun. Fin ussa n'è quai dentant anc betg succedì. Per precauziun han ins dentant tschentà giu las lingias da gas e serrà la lingia da viafier vers Saint Maurice.
Disturbis tras dratgadas en l'entira Svizra
Medemamain pervi da la plievgia è la navigaziun sin il Rain tranter Basilea e la Frantscha vegnida interrutta. Il livel dal Rain ha surpassà la marca critica dad 820 centimeters.
Er en ulteriuras parts da la Svizra chaschuna l'aua problems. En la citad da Berna è la situaziun per lung l'Aara critica. Tenor la polizia èn tschalers plain aua, vias èn vegnidas inundadas e plantas èn crudadas enturn.
Il lai da Thun ha cuntanschì la marca d'aua gronda.
RR novitads 16:00