Lescha d'energia – pro e contra

Ils arguments dils adversaris èn ch’i dettia custs enorms, plazzas da lavurs vegnian stritgadas e l’import dad energia tschuffa da l’exteriur creschia. Ils aderents però pretendan ch’i na custia betg tant dapli, plazzas da lavur vegnian stgaffidas e l’import dad ieli e gas vegnia reduci.

Ils 21 da mai vuscha il suveran svizzer davart la lescha d'energia. Bild in Lightbox öffnen.

Legenda da maletgs: Ils 21 da mai vuscha il suveran svizzer davart la lescha d'energia. Comitè pro / Comité contra

lescha d'energia

Pro
Contra
Ina famiglia da quatter persunas paja mo 40 francs dapli l’onn. Sch’ins vul spargnar ils 40 francs pon ins spargnar dapli energia.

La strategia d'energia cuosta bler massa bler. Ina famiglia da quatter persunas stuess pajar 3200 francs dapli l’onn e stuess pajar dapli impostas.

Nus avessan dapli plazzas da lavur. Per adattar, per exempel las chasas, a la nova lescha d’energia datti dapli lavur per las firmas indigenas.
Plazzas da lavur van a perder: sche i mancan ad ina famiglia ils 3200 francs na va quella famiglia era betg pli a dar ora ils raps en las butias ed uschè van a perder plazzas da lavur.

La svizra vegn pli ferma ed independenta da l'exteriur. La lescha vul spargnar energia uschè che sto vegnir importà pli pauc ieli e gas da l’exteriur.

Perquai che nus na avessans betg pli avunda energia cun metter enturn la lescha stuessan nus importar bler dapli electrizitad tschuffa sco energia atomara e energia da charvun da l’exteriur.
Plan a plan as riva dad extrar da l'energia atomara cun agid da la lescha. L'energia atomara porta ristgs e na renda ozendi betg pli.

I da dapli birocrazia e scumonds. Il stadi sforza a nus da reducir il consum d'energia per 43% enfin l'onn 2029.

Cun la lescha vegn il clima schenià e las energias regenerablas indigenas sustegnidas e promovidas.

Cun tantas rodas da vent ed implants solars vegnis nossa cuntrada disfigurada e na e betg pli attractiva pel turissem.

La lescha d'energia vul spargnar energia, sustegnair energia regenerabla e sortir successivamain da l'energia atomara. La lescha duai esser in emprim pass per realisar la strategia d'energia 2050.

di GEA a la lescha d'energia. Avrir maletg en lightbox.

Legenda da maletgs: Stefan Müller-Altermatt di GEA a la lescha d'energia. Keystone

«  Ils adversaris speculeschan cun cifras che n'han nagina basa. Quellas calculaziuns ston esser inventadas, e sche betg – han ils adversaris fitg, fitg blera fantasia. »

Stefan Müller-Altermatt
cusseglier naziunal PCD

Il parlament ha ditg gea a quella lescha. La PPS ha fatg in referendum encunter quella. Sustegnida vegn la PPS era da singuls exponents da la PLD, dal PCD e da diversas associaziuns economicas.

di NA a la lescha d'energia. Avrir maletg en lightbox.

Legenda da maletgs: Toni Brunner di NA a la lescha d'energia. Keystone

«  Quai è in’illusiun che nus avessan da pajar per in onn mo 40 francs dapli per ina famiglia da quatter persunas. Ils custs èn bler pli auts. Tenor noss quints èn quai quasi 3200 francs dapli.  »

Toni Brunner
cusseglier naziunal PPS

Ils 21 da matg è la votaziun davart la lescha d’energia. Il cussegl federal ed il parlament recumondan d'acceptar la lescha. L'emprima retschertga da l'institut gfs.bern mussa ina clera tendenza per la lescha d'energia. 61% da las persunas cun dretg da votar en Svizra schessan il mument gea a questa lescha.

RR novitads 11:00