Siglir tar il cuntegn

Header

cuntegn

Lescha da cartel Weko examina Swisscom Directories

La cumissiun da concurrenza federala Weko investigescha, sche la firma «Directories», ina figlia da la Swisscom, ha cuntrafatg al dretg da cartel. Directories è l'editura dal cudesch da telefon stampà e gestiunaria dals dus registers da telefon online «local.ch» e «search.ch».

La Weko examinescha ussa, schebain la Swisscom impedescha la concurrenza cun sia purschida, e dischavantagescha la clientella. 2019 ha «Directories» introducì il product da bloc «Swiss List». Differents products per supplements a la registraziun en il cudesch da telefon pon ins mo pli cumprar ensemen. Quai midia fundamental las cundiziuns ed il pretsch da quels supplements, crititgescha la Weko.

L'inquisiziun duria radund 2 onns e Swisscom Directories communitgescha ch'i prendian posiziun vers la Weko, ma spetgian sin la fin da l'inquisiziun.

RTR novitads 12:00

Artitgels legids il pli savens