Siglir tar il cuntegn

Header

cuntegn

Lescha da chatscha Pievel svizzer decida probabel a l'urna

Las organisaziuns d'ambient e protecziun d'animals han ramassà passa 70'000 suttascripziuns per il referendum cunter la nova lescha da chatscha – necessari per in referendum èn almain 50'000. Cunquai vegn probabel il suveran svizzer ad avair il davos pled en chapitel.

Sch'i dess in Na a l'urna, pudess il nov parlament prender per mauns las schanzas per ina protecziun da las spezias. Quella hajan ins manchentà tar la revisiun da la lescha da chatscha preschenta. Uschia sa lascha citar en la communicaziun il secretari central da Pro Natura Urs Leugger-Eggimann, ch'è medemamain il president da societad purtadra dal referendum.

La protecziun dal luf sco er d'autras spezias duai vegnir schluccada cun la revisiun da la lescha da chatscha. Il parlament vul schluccar la protecziun pli fitg che quai ch'il Cussegl federal aveva proponì.

Inoltraziun dal referendum ils 9 da schaner

Ils organisaturs veglian inoltrar il referendum ils 9 da schaner 2020 a la Chanzlia federala. Definitiv ch'il pievel decida a l'urna èsi pir, cura che la Chanzlia federala declera il referendum sco valaivel.

Ord l'archiv

audio
Mezdi: Parlament per schluccar la lescha da chatscha
ord Actualitad dals 19.09.2019.
laschar ir. Durada: 3 minutas 56 Secundas.

RTR novitads 11:00

Artitgels legids il pli savens