Bundant trais emnas avant la votaziun davart la lescha da covid daventa ussa era in comité en favur da la lescha activ.
In Gea al project saja central per surmuntar l’enviern da corona, uschia han argumentà las testas da sis partidas ad ina conferenza da medias. Dal comité Gea fan part la PS, l’Allianza dal Center, la PLD, ils Verds, la partida verd-liberala e la partida evangelica.
En la campagna da votaziun eran las aderentas ed aderents da la lescha enfin ussa main preschents ch’ils adversaris. Retschertgas actualas mussan che la maioritad da la populaziun sustegnian la lescha da Covid-19 che va en votaziun ils 28 da november.
