Laina ch’è vegnida derschida illegalmain na dastga betg pli vegnir vendida en Svizra. Suenter il Cussegl naziunal ha er il Cussegl dals chantuns approvà ina midada da la legislaziun d’ambient. Quai per reducir impediments da commerzi envers l'Uniun europeica.
Las duas chombras van cun questa revisiun pli lunsch che quai ch’il Cussegl federal aveva proponì. Quel aveva sulettamain previs che martgadants stoppian documentar da tgi ch’els retschaivan laina e products da laina ed a tgi ch'els dettian vinavant quella. Cussegl naziunal e Cussegl dals chantuns vulan dentant francar en la lescha ina decleraziun obligatoria da la derivanza e da la sort da la laina.
Ord l'archiv:
RR novitads 11:00