Siglir tar il cuntegn

Header

Il sveran svizzer aveva acceptà l'iniziativa da repatriament il 2010.
Legenda: Il sveran svizzer aveva acceptà l'iniziativa da repatriament il 2010. Keystone
cuntegn

Svizra Lescha da repatriament va en vigur l’october

5 dis suenter il cler na a l’iniziativa da repatriament effectiv da la PPS, ha il Cussegl federal decis da metter en vigur sin il 1. d'october la lescha che regla co repatriar esters criminals.

La nova disposiziun portan ina regulaziun pli severa per repatriar esters criminals. Grazia ad ina clausula da direzza pon dretgiras dentant render quint a situaziuns spezialas sco secondos.

Iniziativa era vegnida approvada il 2010

Avant in onn aveva il parlament approvà las midadas en la lescha, suenter ch’il pievel aveva acceptà l’iniziativa da repatriament (Ausschaffungsinitiative) il 2010. Il termin da referendum era scadì ils 9 da zercladur 2015.

Avant che metter en vigur la lescha, ha il Cussegl federal l'emprim vulì spetgar giu la votaziun davart l'iniziativa da repatriament effectiv. Quella ha cleramain fatg naufragi la dumengia passada. 58,9% da las votantas e dals votants refusà quella.

Ussa metta il Cussegl federal en vigur las novas disposiziuns l'october. "La populaziun spetgia che l'iniziativa vegnia realisada tant pli spert", hai num en ina communicaziun.

RR novitads 12:00

sda/cs

Artitgels legì il pli savens

Nach links scrollen Nach rechts scrollen