Siglir tar il cuntegn

Header

cuntegn

Lescha da tubac Cussegl federal vul scumond da reclama per products da tubac

Ins na possia betg evitar che glieud giuvna vesa reclama da tubac en gasettas u online, perquai propona il Cussegl federal da scumandar reclama dal tuttafatg. Quai suenter il Gea dal suveran svizzer tar l'iniziativa «scumond da far reclama per tubac», il favrer passà.

Il scumond vala per products da tubac, ed uschia era per cigarettas electronicas. Il scumond vegn a valair en las medias, en l'internet ed en ils lieus da vendita. Il scumond duai era pertutgar festivals da musica.

Scumond da reclama per tubac a festivals

Era là na possian ins betg evitar ch'uffants e giuventetgna vesian la reclama. L'industria è per part preschenta a festivals da musica cun atgnas tendas e bars e cuntanscha uschia era la giuventetgna.

Il Cussegl federal trametta en consultaziun ses sboz per realisar l'iniziativa, quella va fin la fin da november. I va per midadas en la lescha da products da tubac, ch'il parlament aveva approvà l'onn passà. Il parlament tracta il sboz il 2023. Ad entrar en vigur vegn la lescha probabel pir l'onn 2025.

RTR novitads 12:00

Artitgels legids il pli savens

Scrollar a sanestra Scrollar a dretga