Legenda:
En l’avegnir èn er assicuradas persunas, ch’han in contract da lavur valaivel, n’han però anc betg cumenzà la plazza.
Keystone
cuntegn
Svizra - Lescha davart l’assicuranza d’accidents è sut tetg
Il Cussegl dals chantuns ha approvà la lescha davart l’assicuranza d’accidents. En l’avegnir èn uschia er assicuradas persunas, ch’han in contract da lavur valaivel, n’han però anc betg cumenzà la plazza.
Il pachet da refurma è stà dispitaivel. Il parlament aveva perquai renvià il 2011 ina part dal pachet al Cussegl federal. Sinaquai avevan ils patruns ed ils emploiads negozià in cumpromiss, che er las assicuranzas privatas e la Suva sustegnan. La chombra pitschna ha ussa acceptà las ultimas differenzas tar il Cussegl naziunal.
