Lescha davart limitar abitaziuns secundaras è sin buna via

La lescha davart limitar las abitaziuns secundaras è sin buna via. Suenter il Cussegl naziunal ha uss er il Cussegl dals chantuns ditg gea al cumpromiss da la PPS, la PLD e dals iniziants - quai cun 36 cunter 6 vuschs ed ina abstenziun.

Laschar ir video «Era il Cussegl dals chantuns ha ditg gea al cumpromiss per realisar l’iniziativa d’abitaziuns secundaras»

Era il Cussegl dals chantuns ha ditg gea al cumpromiss per rea...

1:05 min, Telesguard dals 10.3.2015

Cunquai resti tar il fatg che abitaziuns valan sco abitaziuns secundaras sche quellas vegnan scrittas ora sin in portal d'internet per dar a fit. En pli dastgan hotels ch’èn pli vegls che 25 onns anc vegnir bajegiads enturn tar abitaziuns secundaras per maximalmain la mesadad. La finala han er ils adversaris approvà il cumpromiss da la lescha.

Cussegl naziunal ha pled final

Cun pitschnas midadas va il sboz uschia anc ina giada enavos en il Cussegl naziunal. Quel decida probabel la gievgia en chaussa. La lescha pudess uschia ir en vigur cun l'entschatta dal 2016.

Discurs cun ils Cusseglier dals chantuns Stefan Engler e Marti...

0:55 min, Telesguard dals 10.3.2015