Tras l'extremissem violent ed il terrorissem vegn periclitada er la segirezza en Svizra. Cun la nova lescha davart il servetsch secret duai la segirezza vegnir augmentada.
En l'avegnir duai il Servetsch federal d'infurmaziuns pudair tadlar giu telefons, entrar en computers u montar microfons en lieus privats. Quai dentant mo tar grondas smanatschas sco terrorissem u attatgas da cyber.
Per ils adversaris periclitescha la lescha nova la sfera privata. Mintgina e mintgin daventia in suspectà. In gea a la lescha fiss in gea ad ina surveglianza totala.
Anna Serarda Campell ed Adrian Camartin dattan ina survista dals arguments pro e contra.
