Siglir tar il cuntegn

Header

dus pèrs omosexuals
Legenda: A partir da proxima stad pon er pèrins omosexuals maridar. Keystone
cuntegn

Lètg per tuts Pèrs omosexuals pon a partir dal fanadur 2022 dir Gea

La ministra da giustia Karin Keller-Sutter aveva empermess ch'il reglement per la lètg per tuts giaja svelt en vigur. Quai suenter ch'il suveran svizzer aveva ditg cleramain Gea la fin settember a la lètg per tuts.

Uss ha il Cussegl federal decis che pèrins omosexuals pon maridar a partir dal fanadur 2022 e che pèrs che vivan en in partenadi registrà pon midar quel en ina lètg. Per far quella midada tanschia ina decleraziun communabla dals partenaris u las partenarias a l'uffizi da stadi civil. Cun quai scroda a partir dal fanadur er la pussaivladad da laschar registrar in partenadi. Per pèrs omosexuals datti lura be pli la pussaivladad da la lètg. Tgi che veglia vinavant restar tar il partenadi registrà possian far quai.

Pli plaun ch'il rest da l'Europa

20 onns suenter ils Pajais Bas ha la Svizra decis la lètg per tuts la fin da settember. Nagin dals chantuns aveva refusà quella, en tut han circa dus terzs da la populaziun beneventà la lètg per pèrins omosexuals.

Ord l'archiv

video
Lavur da sensibilisar cuntinuescha – malgrà resultat
Or da Telesguard dals 26.09.2021.
abspielen. Laufzeit 3 minutas 39 Sekunden.

RTR novitads 14:00

Artitgels legids il pli savens

Scrollar a sanestra Scrollar a dretga