La Svizra partia d’in terrain segir en il 2017, ha ditg Leuthard ed uschia mussà optimissem per il futur. La Svizra porschia betg sulet ina buna qualitad da viver, era sajan decisiuns persistentas per las proximas generaziuns gia realisadas sco il tunnel da basa dal Gottard, ni prendidas sco la strategia d’energia, ha ditg Leuthard.
En il mund enturn nus na guarda betg tut ora uschè stabil.
Midaments da regenzas spetgian e sappian chaschunar malsegirezzas. Conflicts e guerras portian grondas miserias umanas e destrucziun. Nus na sappian betg tut quai che spetgia anc nus. Pervi dal mund cumplex n'haja era il Cussegl federal betg tut las respostas sin ils svilup. Cler saja dentant che la Svizra saja in pilaster stabil.
Leuthatd ha engrazià als carstgauns che faschaian mintga di lur part per la solidaritad da nossa societad, per gulivaziun, progress ed avertadad.
RR novitads 14:00