Siglir tar il cuntegn

Header

cuntegn

Svizra Leuthard ha avertì da surpigliadas da firmas da la China

La cussegliera federala Doris Leuthard ha resalvas tar la cumpra d’interpresas strategic sensiblas svizras tras interpresas chinaisas. Quai ha ella ditg en ina intervista cun la gasetta Nordwestschweiz.

Doris Leuthard è da l'avis ch'ins stoppia manar uss discussiuns sumegliantas sco en la Germania. la Svizra duai be lubir surpigliadas entras interpresas chinaisas sch'era firmas Svizras han la pussaivladad da cumprar firmas chinaisas, uschia saja impurtant che tuts hajan las medemas premissas, ha accentuà Leuthard.

Tar interpresas strategicamain impurtantas saja plinavant impurtant ch'i restian per gronda part en mauns svizzers e che la cumissiun da concurrenza (WEKO) vegnia en funcziun.

Nagina segirezza totala

Ristgs da spiunascha per exempel tar expander raits svizras cun agid da firmas chinaisas, na vesa la cussegliera federala betg. «Nus na pudain rapportar nagut negativ», ha respundì Leuthard sin ina dumonda da la gasetta. Ina segirezza totala na dettia dentant uschè ni uschia betg en in temp digital. Consuments na duain dentant betg esser naivs e datas na pon betg currer giu.

L'economia digitala en China saja entant fitg innovativa; i vegnia investì fitg bler en la perscrutaziun e svilup. Ils temps cura che la China valeva sco campiun mundial en copiar sajan passads, ha ditg Leuthard.

RR novitads 07:00

Artitgels legids il pli savens