Siglir tar il cuntegn

Header

In indriz fotovoltaic durant la montascha.
Legenda: Pli auta quota en l'exteriur: Swissolar appelescha a la politica da promover l'installaziun d'indrizs fotovoltaics. Keystone
cuntegn

Svizra Lev augment d'indrizs fotovoltaics

L'onn passà è la surfatscha d'indrizs fotovoltaics creschida en Svizra per circa dus kilometers quadrat. Tenor l'associaziun professiunala Swissolar saja quai pressapauc tuttina bler sco l'onn precedent.

Durant il 2015 - ch'è stà il terz pli sulegliv onn dapi il 1981 - han ins pudì cuvrir radund 2% dal basegn da la forza electrica cun energia solara. Durant singuls dis da stad haja l’energia solara schizunt cuvrì 20% dal basegn d’electricitad.

Swissolar pretenda dapli svilup

Sch’ins guarda enavos sin l’onn passà, lura hai dà in augment da radiaziun da sulegl tranter 6% e 7%. Tenor Swissolar vegnia l’energia solara ad esser il 2016 la segund impurtanta funtauna d’energia regenerabla, suenter la forza idraulica.

Malgrà questas cifras è Swissolar da l’avis che quai saja memia pauc. I dovria dapli svilup per cuntanscher ina midada sin il sectur d’energia. Perquai saja er la svelta deliberaziun da la strategia d’energia 2050 impurtanta.

RR novitads 12:00

Artitgels legids il pli savens

Scrollar a sanestra Scrollar a dretga