Siglir tar il cuntegn

Svizra Levamain dapli svieuta e gudogn per la Swisscom

La Swisscom ha fatg in gudogn da 379 milliuns francs il prim quartal da quest onn. Quai èn 1,6% dapli ch'il medem temp da l'onn passà.

Logo da la Swisscom
Legenda: En Svizra è la svieuta sa reducida per 1,8% sin 2,2 milliardas francs. Motiv è il regress tar la telefonia sur rait fixa e la pressiun sin il pretsch. Keystone

La svieuta saja creschida globalmain per 1,9% sin 2,9 milliardas francs. En Svizra saja quella però ida enavos. Quai communitgescha il pli grond concern da telecommunicaziun svizzer. Tuttina ha la Swisscom, che tutga per gronda part al stadi, fatg ina meglra figura che quai ch'ils analists quintavan.

Conturn difficil

Tenor il schef da la Swisscom, Urs Schaeppi, è la situaziun da la branscha difficila. Il basegn d'investiziun saja aut. En il medem mument sa reduceschan ils pretschs e la concurrenza vegnia adina pli gronda.

Reducziun da 77 plazzas aifer 3 mais

Il dumber da persunal en Svizra è sa reducì en ils emprims trais mais per 77 plazzas a temp cumplain sin 17'611 plazzas. La mesadad da la reducziun da plazzas prevesida da 700 fin la fin da l'onn duai capitar via fluctuaziun natirala.

RR novitads 09:00