Svizra - Levgiar l'alloschament en implants da protecziun civila
Ils uffizis chantunals per migraziun vulessan plazzar dapli fugitivs en implants da protecziun civila, ma las leschas na laschian betg far quai, ha ditg Marcel Suter, il manader da l'uffizi da migraziun dal Grischun e president dals uffizis da migraziun chantunals.
Ils chantuns han uss pretendi da la Confederaziun d’adattar questas leschas. La Confederaziun saja londervi da chattar ina soluziun. Tenor infurmaziun da SRF è er l’engaschi da commembers da la protecziun civila in punct da discussiun.
Actualmain vivan radund 3’000 requirents d’asil en tals implants da protecziun civila en Svizra.
