El ha avert oz la consultaziun tar ina revisiun da la lescha dal provediment electric. Uschia vul el stgaffir novas cundiziuns da basa per la fiera d'electricitad svizra. Oz pon mo ils gronds consuments da forza electrica eleger sez lur furniturs. Tgi che vul, po dentant er restar tar il provediment da basa cun tariffas reguladas.
Liberalisaziun vegn
Mintgamai la fin da l'onn duain avair ils consuments la pussaivladad da midar ses furnitur. Uschia possia mintga client eleger la varianta ch'è la pli attractiva per el ed uschia er influenzar il svilup dal provediment d'electricitad, scriva il Cussegl federal.
Provediment da basa cun electricitad Svizra
Client che restan tar il provediment da basa, duain il futur survegnir be electricitad ord la Svizra. Quai duai vegnir tar in standard. Quella electricitad duai sa cumponer per ina cumpart da energias regenerablas. Quant gronda che quella cumpart vegn ad esser, decida il Cussegl federal. Oz retschaiva bun in terz da las chasadas svizras energia regenerabla.
La via è anc lunga
Suenter la consultaziun che cuzza anc fin la fin da schaner, va il Cussegl federal anc ina giada sur ils cudeschs e lura vegn la revisiun da la lescha dal provediment d'electricitad tractada en il parlament.
RR novitads 15:00