Siglir tar il cuntegn

Header

Gasettas vid ina paraid ed in um che fotografescha.
Legenda: En Svizra ha la libertad da pressa ina gronda muntada. Keystone
cuntegn

Libertad da pressa Las medias svizras dastgan rapportar libramain

Tar la libertad da pressa è la Svizra sin plaz 8, cumpareglià cun tut ils auters pajais dal mund. Ella tutga uschia tar ils stadis, nua che la libertad da pressa è garantida cumplainamain. Quai mussa la rangaziun fatga da l'organisaziun Reporters senza cunfins.

Ils top 10 pajais en chaussa libertad da pressa èn:

  1. Norvegia
  2. Finlanda
  3. Danemarc
  4. Svezia
  5. Pajais Bass
  6. Jamaika
  7. Costa Rica
  8. Svizra
  9. Nova Zelanda
  10. Portugal

Critica è l'organisaziun envers la concentraziun accelerada en la cuntrada mediala svizra. La varietad dals titels sa sminueschia ed ils rapports regiunals sajan sut in grond squitsch. Er sche gist quels fissan da gronda impurtanza per la furmaziun da l'opiniun en ina democrazia directa.

Vitiers fa l'organisaziun Reporters senza cunfins attent, che las medias perdian bleras entradas da reclama pervi da la crisa da corona. L'organisaziun crititgescha ch'il Cussegl federal refusa da porscher a las medias in agid direct en questa situaziun.

Ord l'archiv da SRF:

RTR novitads 07:00

Artitgels legids il pli savens

Scrollar a sanestra Scrollar a dretga