Dapi 20 onns è la libra circulaziun en vigur en Svizra e la Svizra haja profità, constatescha il rapport. Ils blers dals immigrants e da las immigrantas sajan vegnids per lavurar. Ed uschia hajan els era procurà che la Svizra saja vegnida main veglia. En auters pajais europeics saja la cumpart da las persunas attempadas creschida pli fitg.
Plinavant hajan ils immigrants gì in pli grond ristg d'esser senza lavur. Agid social hajan els dentant retratg mo darar, hai num en il rapport da la Seco. La populaziun svizra è creschida dapi il 2002 mintg'onn per 0,9%. Quai è dapli ch'en auters pajais europeics.
