Lieurs dad aur laschan scalinar las cassas

Il producent da tschigulatta svizzer Lindt & Sprüngli ha gudagnà marcantamain dapli l'emprim semester da quest onn.

Las lieurs dad aur da Lindt & Sprüngli. Bild in Lightbox öffnen.

Legenda da maletgs: Las lieurs da tschigulatta pachetadas en palpiri d’aur èn in classicher da Lindt & Sprüngli. Keystone

Cumpareglià cun il medem temp da l'onn avant, è il gudogn creschì per passa 15% sin 65 milliuns francs. Analists avevan quintà tenor l’agentura da novitads Reuters en media cun in augment da var 58 milliuns.

Sco Lindt & Sprüngli communitgescha, quintan els era vinavant da cuntanscher las finamiras per crescher. La svieuta ord atgna forza duai crescher annualmain per 6 fin 8%.

Gia il fanadur aveva il concern communitgà in augment da la svieuta da passa 17%, sin 1,4 milliardas francs.

RR Novitads 08:00