Siglir tar il cuntegn

Header

cuntegn

Lieus da studios da SRG Cumissiun dal Cussegl naziunal vul dar maun liber

La Cumissiun per traffic e telecommunicaziun dal Cussegl naziunal na vul anc adina betg prescriver a la SRG SSR, nua ch'ella duai avair ses studios.

Cun 15 cunter 8 vuschs ha la cumissiun refusà ina iniziativa dal chantun da Genevra che pretendeva tranter auter che la partiziun da novitads da televisiun restia a Genevra.

La cumissiun è gia sa fatschentada il schaner cun ils lieus da producziun da la SSR, gia quella giada en connex cun ils plans da la SSR da centralisar ils lieus da producziun a Losanna e Turitg. La cumissiun resta tar l'argumentaziun da lura: Per la varietad dal mund da las medias saja da muntada essenziala che la SSR saja francada en las regiuns e produceschia las emissiuns en differents lieus. Las concessiuns e la lescha perscrivian gia avunda concret, co che la SSR haja da realisar sias purschidas regiunalas.

RR novitads 18:00

Artitgels legids il pli savens