Siglir tar il cuntegn
cuntegn

Svizra Liliane Maury Pasquier desista dad ina settavla legislatura

La socialdemocrata da Genevra na vegn betg pli a candidar per in sez en il Cussegl dals chantuns.

Liliane Maury Pasquier.
Legenda: Liliane Maury Pasquier desista dad ina settavla legislatura. Keystone

La cussegliera dals chantuns da Genevra, Liliane Maury Pasquier, na candidescha betg pli per las elecziuns federalas da l’onn che vegn. La socialdemocrata è il mument al timun da l’assamblea parlamentara dal Cussegl da l’Europa. Quest uffizi na permettia ad ella betg da manar in cumbat electoral effizient l’onn che vegn, ha ditg la Genevrina a la gasetta «Le Matin Dimanche». Ed ella na veglia betg finir sia carriera politica cun ina terrada.

Maury Pasquier è dapi 23 onns en il parlament svizzer. 12 da quels è ella stada en il Cussegl naziunal ch’ella ha presidià il 2002.

RR novitads 14:00