Siglir tar il cuntegn

Header

cuntegn

Svizra Limitar lavur temporara

La politica e las interpresas duain limitar la lavur temporara e meglierar la segirtad da lavur, pretenda l'Uniun sindicala svizra.

La cumpart da la lavur temporara, pia la lavur tar in’interpresa per in temp limità, crescha en Svizra. L’Uniun sindicala svizra pretenda perquai da la politica e da las interpresas ch’ellas prendian mesiras per restrenscher quella.

Ils ultims 25 onns saja il dumber da persunas che lavurian a moda temporara sa multiplitgà cun tschintg, scriva l’Uniun sindicala svizra. Ils blers dals ozendi circa 380’000 emploiads ed emploiadas temporaras lavurian en il sectur da l’industria da bajegiar.

Damain paja e segirtad precara

Quai augment fa quitads als sindicats. Bain saja la situaziun sa meglierada dapi ch’ins haja pudì negoziar il 2012 in contract collectiv per la branscha. Anc adina saja dentant uschia, ch’ils emploiads temporars n’hajan betg las medemas cundiziuns da lavur e las medemas pajas sco collavuraturs stabels.

L’Uniun sindicala svizra pretenda perquai ch’ils chantuns e la Confederaziun limiteschian tar acquisiziuns publicas il diever d’emploiads temporars. Ultra da quai stoppia la segirtad da lavur sa meglierar.

RR novitads 12:00

Artitgels legids il pli savens