10% dals bains purils gronds survegnan actualmain in quart da tut las subvenziuns, di Regina Fuhrer, presidenta da l'Uniun dals purs pitschens. Quai na saja gist.
In svilup privlus
Ed il dumber da bains purils che retiran dapli che 150'000 francs pajaments directs crescha surproporziunalmain. Quest svilup na mettia be en privel l'acceptanza dals pajaments directs tar la populaziun, di l'Uniun dals purs pitschens. Na, ella promovia era la midada da structura vers in’industrialisaziun da l'agricultura cun monoculturas. Perquai saja d'introducir ina limita maximala.
Il Grischun betg d'accord
Insumma betg perencletga cun quest’idea è l' Uniun purila grischuna. Ils purs grischuns profitan, suenter ils purs dal chantun Vad, il pli ferm da pajaments directs. 230 manaschis agrars grischuns survegnan dapli che 150'000 francs pajaments directs l'onn.