Siglir tar il cuntegn

Header

L'entrada dal concern Lindt & Sprüngli a la sedia a Klichberg en il chantun Turitg.
Legenda: Finamira concreta: Fin il 2020 vul Lindt & Sprüngli esser il numer 1 mundial per tschigulatta da qualitad superiura. Keystone
cuntegn

Svizra Lindt & Sprüngli augmenta svieuta e gudogn

Ina chauda stad ed in ferm franc n'èn betg gist las meglras premissas per la fatschenta cun tschigulatta. Tuttina ha la producenta da tschigulatta Lindt & Sprüngli fatg l'onn passà dapli svieuta e gudogn.

La producenta da tschigulatta Lindt & Sprüngli ha pudì augmentar il gudogn e la svieuta en il 2015, quai malgrà il ferm franc svizzer ed ils auts pretschs per materia prima.

Bunas prognosas er per il 2016

La gruppa ha nudà il 2015 ina svieuta da 3,65 milliardas francs. Quai correspunda ad in augment da 7,9% quintà en francs svizzers. Il creschament organic da l’interpresa munta a 7,1%.

Sco Lindt & Sprüngli scriva ,vegnian era las acziunarias a profitar cun ina dividenda da 800 francs per aczia al num e 80 francs per scrit da participaziun. Per l’onn actual quinta la producenta da tschigulatta cun in creschament da 6 fin 8%.

RR novitads 08:00

sda/alb

Artitgels legì il pli savens

Nach links scrollen Nach rechts scrollen