Il producent da tschigulatta Lindt&Sprüngli è creschì l’onn passà e quai pli fitg che l’entir martgà da tschigulatta. Per l’ina haja Lindt&Sprüngli cunzunt vendì dapli cullas da Lindor e per l’autra avert 50 butias novas sin l’entir mund. Quai communitgescha Lindt&Sprüngli.
Sut atgnas finamiras
Tuttina è il concern disà da crescher anc pli fitg. L'atgna finamira era fin uss d'augmentar la svieuta per 6 fin 8% per onn. Ils davos dus onns n'è questa finamira però betg stada realistica. Cunzunt il martgà dals Stadis Unids saja saturà, argumentescha Lindt&Sprüngli. Perquai ha il concern decis da sbassar sias finamiras da creschientscha sin 5 fin 7%.
Indicaziuns detagliadas davart il gudogn publitgescha il concern ils 5 da mars 2019.
RR novitads 08:00