Siglir tar il cuntegn

Svizra Lindt & Spüngli augmenta la svieuta

Cun 4 milliardas Euro svieuta ha il producent da tschigulatta cuntanschì in nov record il 2017. Spetgà aveva l'interpresa però in augment anc pli aut.

Tschigulatas da Lindt excellence sin fund nair.
Legenda: Lindt & Sprüngli ha pudì augmentar la svieuta. Keystone

Il producent da tschigulatta Lindt & Sprüngli ha augmentà sia svieuta per prest 5% l'onn passà – quai sin radund 4 milliardas francs. Sco finamira aveva l'interpresa dentant mess da realisar in augment da svieuta da 6 fin 8%. L'onn avant era quella anc creschida per prest 6,8%. Per consequenza è il curs dals scrits da participaziun sa sbassà il mardi a bun'ura a la bursa per 2,35% sin 5'810 francs. Er l'aczia nominala ha fatg in minus da 1,69% sin 69'800 francs.

Sco quai che Lindt & Sprüngli fa a savair, saja il martgà da tschigulatta entant sazià ed il squitsch dals pretschs creschia. Tuttina è il concern svizzer puspè creschì pli fitg che l'entir martgà.

RR novitads 10:00