Sco che la Viafier federala ha communitgà, sajan las lavurs da rumir idas a fin questa damaun. Dapi lura rolla il traffic tranter Lucerna ed il Gottard. Er il traffic da rauba da Rotkreuz via Immensee ed Arth-Goldau direcziun sid è puspè en funcziun.
Trens sviads via Walchwil
Pervi da l’interrupziun dal traject eran la notg sin gievgia e venderdi en tut 117 trens da rauba vegnids sviads via Walchwil en il chantun Zug. Tuttina èsi vegnì ad ina stagnaziun che sto uss vegnir bajegiada giu.
L’autezza dals donns n’è anc betg enconuschenta. Tenor il pledader da la SBB vegnian ils donns dentant segiramain a muntar a plis tschientmilli francs.
RR novitads 14:00