A Turitg han represchentants da la Confederaziun, dal chantun e da la SBB inaugurà la segunda part da la nova «lingia diametrala» (Durchmesserlinie) DML a la staziun principala. Prendida en funcziun vegn ella cun la midada da l’urari ils 13 da december.
Grazia a la DML na ston trens a lunga distanza betg pli charrar tar la staziun veglia per midar la locomotiva. Da nov pon quels directamain charrar tras uschia che la capacitad a la staziun principala da Turitg vegn augmentada.
Custs da 2 milliardas francs
La part ch’è vegnida averta consista da dus viaducts sur ils implants da binaris existents. L’entir project custa radund 2 milliardas francs.
