Per uffants na fai nagina differenza sch'i vegn discurrì en scolina dialect tudestg u tudestg da scrittira. Quai mussa in studi sur plirs onns da la Scol'auta da pedagogia Cuira en collavuraziun cun pliras scolas autas da la Germania e da l'Austria.
Impurtant saja dentant ch'ils mussaders e las mussadras reflecteschian a moda sapientiva, cura ch'i dovrian dialect e cura tudestg da scrittira. Plinavant saja impurtant da duvrar las variantas tenor situaziun, per exempel in suentermezdi a l'emna tudestg da scrittira. Betg bun saja per exempel da duvrar tar uffants cun tudestg sco segunda lingua, be tudestg da scrittira. Quai possia discriminar.
RTR novitads 17:00