Siglir tar il cuntegn

Header

Lukas Bärfuss.
Legenda: Il scriptur svizzer Lukas Bärfuss vegn onurà cun il premi da renum Georg Bürchner. Keystone
cuntegn

Litteratura Lukas Bärfuss survegn il premi Georg Büchner

Il scriptur svizzer Lukas Bärfuss (Hagard) survegn il premi da Georg-Büchner da quest onn. Quai communitgescha l'Academia tudestga per la lingua e la poesia a Darmstadt. Il premi da renum è dotà cun 50'000 euros e vala sco la distincziun litterara la pli impurtanta en territori da lingua tudestga.

Cun Bärfuss vegnia onurà in excellent raquintader e dramaticher da la litteratura tudestga contemporana, scriva la giuria en sia argumentaziun. En pli lauda ella Bärfuss per sia ferma segirezza da stil e sia ritgezza da variaziun formala.

Lukas Bärfuss che viva a Turitg è gia vegnì onurà cun differents premis – tranter auter cun il Premi svizzer dal cudesch per si'ovra «Koala» u il premi Schiller per «Hundert Tage».

RR novitads 10:00