Siglir tar il cuntegn

Header

cuntegn

Logistica 2,2 milliardas gudogn per Kühne + Nagel

Il concern da logistica svizzer Kühne + Nagel ha fatg l’onn passà dapli svieuta e dapli gudogn. Quai ha communitgà il concern. La svieuta è creschida per 61% sin 33 milliardas francs. Il gudogn munta a 2,2 milliardas francs. Quai è in plus da 173% en cumparegliaziun cun il 2020.

La vitgira en l'aria è creschida

In motiv per quest resultat è tenor Kühne + Nagel l’acquisiziun dal concern asiatic Apex. Ma er tar la vitgira en l'aria è stada dumandada rauba da farmazia e rauba dad E-commerce. Uschia saja questa sparta da la fatschenta creschida ferm. Percunter saja il traffic sin la mar stà pli stentus d'organisar perquai ch'i haja adina puspè dà stretgas da furnir sco er problems cun chadainas da furniziun. Quai haja muntà ad dapli custs.

La prevista per quest onn è intscherta

Puncto prevista per l'onn current resta l'interpresa dentant precauta. Enfin uss saja la vista stada buna. Las acziuns militaras da la Russia ed ils svilups politics intscherts, na lubeschian per il mument dentant betg da stimar a moda realistica la situaziun per il rest da l'onn. En quest connex ha Kühne + Nagel er annunzià da franar tut ils transports en Russia, cun excepziun da products da farma e meds d'agid.

audio
Per tadlar curt e cumpact
ord RTR Audio dals 02.03.2022.
laschar ir. Durada: 27 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga