Siglir tar il cuntegn

Header

cuntegn

«Long Covid» Mintga quarta persuna patescha er a lunga vista da corona

video
Long-Covid: Pazientas e pazients raquintan da la reha a Tavau
Or da Telesguard dals 04.02.2021.
laschar ir. Durada: 3 minutas 11 Secundas.

En Svizra patescha mintga quarta persuna ch'ha gì il coronavirus er sis mais pli tard da sintoms a lunga vista, l'uschenumnà «Long Covid». Quai mussa in studi da l'epidemiolog da Turitg, Milo Puhan che SRF ha publitgà.

Stancladad, mal il chau, tuss u fadia da trair flad – cun quests sintoms han era blers anc da sbatter suenter in'infecziun cun il coronavirus.

En tut inditgeschan 26% da betg esser sa revegnids suenter in'infecziun cun il virus. Il pli savens numnavan ils pertutgads stancladad u tuss sco sintoms. Mintga 10avel è anc en in schlet stadi da sanadad. Dunnas èn pli pertutgadas ch'ils umens da «Long Covid».

Quest grond dumber da pazientas e pazients che pateschan, saja ina surpraisa, ha ditg Milo Puhan. Tenor il studi èn almain 1/4 milliun persunas pertutgadas en Svizra. Ma i saja impurtant da sclerir la chaussa. Il sectur da sanadad sco era las instituziun socialas e d'agid stoppian savair tge che spetgia ed uschia savair sa pinar sin las sfidas che spetgian, di Puhan.

audio
Per tadlar curt e cumpact
ord RTR Audio dals 03.02.2021.
laschar ir. Durada: 1 minuta 5 Secundas.

RTR novitads 12:00

Artitgels legids il pli savens