A la testa dal til da cordoli è ida la famiglia da l'um da 27 onns. Ils participants dal til han scandà slogans sco «La vita da nairs vala er», «giustia per Hervé» u «nus essan er Svizra». En il til avevi blers nairs.
Ils organisaturs han insistì sin il caracter paschaivel da la manifestaziun. «Nus essan qua per accumpagnar a la famiglia en ses cordoli» ha affirmà Yannick Lema, il pledader dal collectiv «A qui le tour» (Tgi sarà il prossem). A medem mument han intgins participants precisà ch’els vulan render attent al clima da discriminaziun da las razzas e signalisar «nossa indignaziun».
Il marsch da malencurada è sta a medem temps manifestaziun cunter il uschenumnà «racial profiling» - la metoda dad autoritads e polizia dad investigar explicitamain tenor criteris etnics.
RR novitads 20:00
