Ultra da quai na possia il suveran betg exprimer precisamain sia voluntad. Sa basond sin in'expertisa da dur professers da dretg da l'universitad da Berna propona la regenza al parlament chantunal da declerar sco nunvalaivla l'iniziativa.
L'iniziativa è vegnida inoltrada il settember 2014 cun 5'995 suttascripziuns valaivlas.
Premura en divers chantuns
En plirs chantuns hai dà l'onn passà stentas cun la finamira d'avair sulet ina lingua estra en la scola primara. En il chantun Turgovia ha il parlament decidì da prender il franzos ed en il chantun Schaffusa ha il parlament approvà in postulat che pretenda sulet ina lingua estra sin stalim primar.
En il chantun Sutsilvania ha il suveran refusà ina tala iniziativa il mars 2015 cun ina maioritad da 61,7% da las vuschs. Gia l'onn 2006 èn grategiadas en tschintg chantuns (LU, SH, TG, ZG e ZH) iniziativas «cunter duas linguas estras en scola primara». En quatter chantuns ha il suveran refusà l'iniziativa. A Lucerna è ella vegnida retratga.
En il Grischun aveva il Cussegl grond decidì l'avrigl passà che l'iniziativa per mo ina lingua estra en scola primara na saja betg valaivla. Il recurs dals iniziants cunter questa decisiun n'è anc betg tractà.
RR novitads 12:00