En il Tessin po vegnir sajettà in luf en la Val Rovana. Quai ha decis la regenza tessinaisa suenter ch’il luf aveva stgarpà pliras nursas e che purs avevan protestà. Pervi da la topografia dal terren n’hajan ins betg pudì proteger las nursas tenor las prescripziuns, uschia la regenza. La lubientscha per sajettar il luf vala durant 60 dis. Il luf vegn sajettà dals guardiaselvaschina da l’Uffizi da chatscha e pestga.
Lubientscha da sajettar Tessin po sajettar in luf
RTR novitads 18:00
