Igl è ina greva trumpada per Luc Recordon. Il verd che politisescha dapi il 2007 en il Cussegl dals chantuns n’ha betg pudì defender ses sez. Perencunter vegn da nov ses cuntracandidat da la PLD, il Cusseglier naziunal Olivier Français a represchentar il chantun Vad en la pitschna chombra.
Il segund sez en il Cussegl dals chantuns resta tar la socialdemocrata Géraldine Savary. Ella ha fatg sco gia tar l’emprim scrutini las pli bleras vuschs dals candidats.
- 81'469 Géraldine Savary (PS) - elegida
- 78'068 Olivier Français (PLD) - elegì
- 74'972 Luc Recordon (Verds) - betg reelegì
Tut resta sco fin qua en il chantun Genevra
En il chantun Genevra resta entant tut sco fin qua. Reelegids per il Cussegl dals chantuns èn Liliane Maury Parquier dals socialdemocrats e Robert Cramer dals Verds. Naginas schanzas han gì ils candidats da las partidas burgaisas.
RR novitads 16:00
