Siglir tar il cuntegn

Header

cuntegn

Svizra Lucerna - 3 cussegliers guvernativs pon rir

Tar las elecziuns da la regenza a Lucerna han 3 cussegliers guvernativs vertents cuntanschì il pli absolut en l'emprim scrutini. E l'elecziun dal parlament en il chantun Lucerna va a fin cun in success per las partidas burgaisas, quai mussa il resultat final provisoric.

Bajetg da la regenza da Lucerna
Legenda: La PPS vul puspè returnar en la regenza lucernaisa. SRF

Elegids èn Guido Graf (PCD) cun 61'451 vuschs, Robert Küng (PLD) cun 59'486 vuschs e Reto Wyss (PCD) cun 58'199 vuschs. La maioritad absoluta era tar 49'173 vuschs. Quella ha il cusseglier guvernativ vertent senza partida, Marcel Schwerzmann manchentà cun 43’562 vuschs.

El aveva prendì davent da la PPS il sez en la regenza avant 8 onns. Paul Winiker, che duai reconquistar per la PPS il sez perdì, è vegnì sin 42’842 vuschs.

Lunsch enavos è la socialdemocrata Felicitas Zopfi (34'231 vuschs) che vul daventar successura dad Yvonne Schärli, ch'è sa retratga da la regenza da Lucerna.

La participaziun a la votaziun era tar 37,6 %.

Success per partidas burgaisas

L'elecziun dal parlament en il chantun Lucerna va a fin cun in success per las partidas burgaisas, quai mussa il resultat final provisoric.

Tant la PPS, sco era la PLD gudognan 2 sezs supplementars. La PCD perda in sez, resta dentant la ferma partida.

Ils Socialdemocrats vegnan sin in sez dapli, persuenter perdan ils Giuvens socialists lur sulet sez. Sperditas datti era tar ils Verd-liberals cun in sez damain ed ils Verds fan perfin dus sezs damain.

RR novitads 12:00/17:00

Artitgels legids il pli savens