Mardi a bun’ura ha la polizia da Lucerna serrà la staziun per motivs da segirezza. Temporarmain sajan tut las colliaziuns da tren crudadas ora, scrivan las Viafiers federalas. La raschun è stà in bancomat che delinquents han siglientà la damaun.
Enturn las 03:00 da la notg hajan ils delinquents siglientà il bancomat ed eran vegnids filmads. Il persunal da segirezza haja fatg stim e suenter baruffas hajan ils quatter delinquents però pudì fugir sin lur motos, communitgescha la polizia da Lucerna. Ina persuna dal persunal da segirtad saja blessada ed en l'ospital. Il quatter delinquents supponids èn anc adina sin fugia.
Il donn material na saja betg cler, scriva la polizia da Lucerna. A las 07:00 saja lura la gronda part da la staziun puspè stada en funcziun.
Bancomats vegnan adina puspè siglientads en Svizra. Avant in'emna è quai stà il cas a Novazzano (TI), la fin da november a Vordemwald (AG) e l'october ad Oberwil (BL) e Morgins (VS).