-
Bild 1 von 6. Adi Achermann, il cumandant da la polizia dal chantun Lucerna. , che vegn a stuair sa responsar avant dretgira. Bildquelle: Keystone.
-
Bild 2 von 6. Daniel Bussmann, il schef da la polizia criminala lucernaisa. , che vegn a stuair sa responsar avant dretgira. Bildquelle: Keystone.
-
Bild 3 von 6. Policists durant l'acziun da la polizia a Malters (LU) ils 9 da mars 2016. Bildquelle: Keystone.
-
Bild 4 von 6. La chasa a Malters (LU),. en la quala la dunna da 65 onns aveva sa dustà cun armas cunter ils policists. Els avevan vulì prender davent la cultivaziun da chonv da ses figl. Bildquelle: Keystone.
-
Bild 5 von 6. La chasa a Malters. (LU). La polizia aveva decidì d'assaglir l'abitaziun ed aveva chattà la dunna morta en il bogn. Ella aveva sa sajettà. Bildquelle: Keystone.
-
Bild 6 von 6. La polizia aveva da serrar la «Luzernerstrasse» durant l'acziun da la polizia. Bildquelle: Keystone.
Adi Achermann, il cumandant da la polizia dal chantun da Lucerna, e Daniel Bussmann, il schef da la polizia criminala lucernaisa, vegnan a stuair sa responsar avant dretgira. Sco ch'il departement da giustia e segirtad lurcernais ha communitgà il mardi, haja il procuratur public extraordinari accusà ils dus umens.
«Nus sustegnain la polizia lucernaisa»
Il cusseglier guvernativ Paul Winker, ch'è il responsabel per il departament da giustia e segirtad lucernais, sustegnia en in messadi da video a las medias la polizia lucernaisa e sia lavur. I saja impurtant da tegnair endament, ch'i valia la presumziun d'innocenza enfin ch'ina sentenzia saja avant maun.
Christoph Rüedi, il procuratur public extraordinari, n'ha fatg naginas indicaziuns, pertge ch'el haja en il senn dad accusar ils dus umens. El ha mo confirmà, ch'el haja orientà els davart sias intenziuns, scriva l'agentura da novitads svizra sda. La procedura na saja dentant betg anc serrada giu.
Acziun da polizia contestada
La preistorgia da l'accusaziun è in'acziun da la polizia dals 9 da mars da quest onn. A Malters en il chantun da Lucerna aveva ina dunna da 65 onns, ch'aveva ina malsogna psichica, sa zuppà en si'abitaziun durant 17 uras. Ella aveva sa dustà cun armas cunter ils policists, che avevan vulì prender davent la cultivaziun da chonv da ses figl.
La polizia aveva decidì d'assaglir l'abitaziun ed ha chattà la dunna morta en il bogn. Ella aveva sa sajettà - uschia co ch'ella aveva smanatschà avant als policists. Ses figl, ch'era l'avugà dad ella, ha lura denunzià il cader da la polizia pervia d'abus d'uffizi e mazzament per negligientscha.
Quest settember era vegnì enconuschent, che Achermann e Bussmann na dastgian al mument betg surpigliar acziuns delicatas.
RR novitads 08:00