Siglir tar il cuntegn

Header

cuntegn

Svizra Lucerna ha in president sanester

La citad da Lucerna ha per l'emprima giada in president da la sanestra: il suveran ha elegì Beat Züsli da la partida social democratica.

En il segund scrutini han votà 12’650 Lucernaisas e Lucernais per Züsli ed uschia per ina midada a la testa da la citad. Züsli (53) è architect ed inschigner d’energia. Enfin uss aveva el politisà en il parlament chantunal ed en quel da la citad.

Il president da citad oriund, Stefan Roth (PCD), ha survegnì mo 9’388 vuschs. Per el e sia partida è quai ina terrada amara. Gia en l'emprim scrutini ils emprims da mai aveva Züsli dapli vuschs che Roth. Enpli ha el fatg gia en l’emprim scrutini avunda vuschs per arrivar directamain en il Cussegl da citad – Roth perencunter aveva pir en il segund scrutini avunda vuschs per il Cussegl da citad.

RR novitads 16:00

Artitgels legids il pli savens