A chaschun dal giubileum da 25 onns dal KKL a Lucerna è l'architect Jean Nouvel turnà en il bajetg ch'el ha dissegnà. Il center cultural e da congress saja ses emprim uffant internaziunal, uschia l'architect franzos al cumenzament da la festa da dus dis avant il KKL.
Ils 18 d'avust 1998 han ins inaugurà la sala da concert Salle blanche ch'è fitg enconuschenta pervida sia acustica. En tut ha il bajetg custà 226,5 milliuns francs 32,5 milliuns dapli che planisà. Igl è stà in project communabel dal stadi e da privats.