- A la staziun da Lucerna èn pliras persunas vegnidas blessadas suenter ina collisiun dad in tren rapid.
- Il tren è collidà cun in rebattider a la fin dals binaris.
- La polizia chantunala ha confirmà ils rapports envers l'agentura da novitads Keystone-SDA.
A la staziun da Lucerna hai dà plirs blessads perquai ch'in tren n'è betg vegnì da franar ad uras ed è charrà en il rebattider a la fin dals binaris. L'accident è capità enturn las 10, sco quai che la polizia chantunala ha confermà. Tenor la polizia èn 12 persunas vegnidas blessadas levamain. Ellas èn vegnidas transportadas cun l'ambulanza en ospitals da la regiun.
Il tren d'accident è parti oz a las 9.04 a la staziun da Turitg. Con bleras persunas ch'èn stadas en il tren n'è anc betg cler. Daco ch'i ha dà l'accident sto anc vegnir sclerì – il Servetsch svizzer d'inquisiziun da segirezza (SUST) investighescha.
RTR novitads 11:00