Dapi las uras pitschnas la sonda – la damaun las 02:45 – na circulescha pli nagin tren a Lucerna. La raschun: Las Viafiers federalas VFF midan or tar set binaris en la staziun ils sviaments. Questas lavurs duajan durar enfin il glindesdi la damaun las 04:00 e custan radund 5 milliuns francs.
Malgrà la staziun serrada blers visitaders a Lucerna
Malgrà ch'ils trens fan staziun anticipadamain curt avant Lucerna visitia la glieud Lucerna er questa sonda, di il pledader da las VFF. Els hajan en acziun ina ventgina da bus spezials per cumpensar la midada sur la fin d'emna.
Ils trens regiunals da la Zentralbahn circuleschan percunter tenor urari.
RR novitads 12:00